head

10.2.15

Две природни креми за сува кожа! Пробај тестер и оцени!

Та-да-да!!!
Едно изненадување за сите што се распрашувале за нашите природни креми!
Текстовите на тема природна козметика предизвикаа голема заинтересираност кај читателите дали можат да се набават природните креми. До сега, кремите и лосионите за тело ги правев само за лична употреба и за пријатели. Но, сега направив нешто што сама нема да го користам, бидејќи не е правено за мојот тип на кожата. За овие креми ќе ми треба вашата помош.
За што се работи?

Направив две креми за сува кожа.
Кремите се наменети за секојдневна нега, како дневна, така и ноќна.
За да се уверим дека ќе и пружат на сувата кожа доволна хидратација и заштита, ми требаат “живи човечки тестери“! Тука на сцена настапувате вие.
Ако сте расположени да ги пробате овие креми, јавете се.


природна козметика, природни креми за лице, prirodna kozmetika, natural cosmetics
креми 1 и 2 за сува кожа


За да бидете кандидат, потребно е да исполнувате следните услови:
1. Се разбира, да имате сува кожа
2. Да не сте алергични на пченица, бидејќи кремите се правени со потполно природен емулгатор на база на пченица и содржат масло од пченични никулци
3. Да сте спремни да престанете да ги користите сите креми кoи мoментaлнo ги кoристете, да би можеле да користите само наши откога ќе ги примите.
3. Да ги користите како ќе ви биде препорачано во кратко и едноставно упатство
4. Да бидете расположени да ни ги пренесте вашите импресии
5. Ако не сте од Скопје, да платите поштарина (60 ден. до сите градови низ Македонија, или 90 до вашата врата - како ќе сакате)

Примероци ќе ви бидат пратени во тестер -кутивчиња, без означен состав, само со броеви 1 и 2. Откога ќе ги потрошите кремите и ја завршиме анкетата, ќе ви биде кажано што е во составот. Ако сакате да се подсетите што се има во природните креми, ви го препорачувам овој текст. 

Предност во избор на кандидати ќе имаат оние кои долго ги чекале овие креми и нашите стални клиенти. Се извинувам за оваа дискриминација, но да не беа тие и нивните постојани барања, можеби овие креми се уште не би ни настанале.
Сеуште не знам колку кандидати ќе бидат одбрани, 6- 7, т.е додека целата количина направена за оваа прилика не се потроши.


Еве што, отприлика, ќе ви биде пратено, како прашалник:

  • Општа прашања, како овие:
1. Дали до сега сте користиле природна козметика, а посебно природни креми за лице? Какви биле вашите искуства?
2. Колку брeндови за природна козметика до сега сте пробале и дали сте пробале било што од домашната (македноска)  природна козметика?
  • Конкретни прашања, како овие, за да ги оцените кремите, :
1. Моќ на размачкување
2. Впивање
3. Личен осет
4. Хидрирање


Можете да се пријавите така што ќе ни пратите мејл (diva.handmade.soap@gmail.com), со краткo објаснување зoштo сaкaте да ги прoбaте нaшите креми и сo вашите лични податоци,за да ви ги пратиме. Акo сте на нештo aлергични, и тoa гo назначете.
Ве молам, јавете се само ако ги исполнувате сите услови.
За сите други, који не спаѓаат во оваа категорија (немаат сува кожа, имаат алергија на пченица, или било што трето), слободно оставете во коментарот што би сакале да ви понудиме.
Однапред можам да ветам дека ќе направиме слична акција и за креми за мрсна и нормална кожа, како и за природен дезодорант.

Ви благодарам и се читаме пак, со резултатите и вашите впечатоци!


3 comments:

  1. Ooodlicno Maja:) Daa dooolgo ocekuvani definitivno! I normalno se sto vredi vredi i da se poceka:)
    Spored mene prirodna kozmetika e edinstvena kozmetika koja i e neophodna i koja edinstveno treba da se proizveduva posebno Diva kozmetika:)
    Zorica

    ReplyDelete
  2. Lovely, Maja! Your cream was a treat for my face so I am sure you will get lots of testers and future clients!

    ReplyDelete

Thanks for your comment